Amcan Amgylcheddol

Nod Phytovation yw bod yn garbon niwtral dim hwyrach na 2040, 10 mlynedd o flaen amcanion y DU a nodir yn Neddf Newid Hinsawdd y DU.

Beth rydyn ni wedi'i wneud hyd yn hyn

• Gosod paneli solar

Fe wnaethon ni osod paneli solar ar do ein huned gynhyrchu yn 2021 sydd wedi bod yn cynhyrchu bron i 60% o'r trydan rydyn ni'n ei ddefnyddio wrth gynhyrchu senna. Mae hyn wedi lleihau ôl troed carbon y broses gynhyrchu ei hun yn fawr ond mae'n bwysig sylweddoli mai dim ond rhan o'r nwy tŷ gwydr cyffredinol a gynhyrchir dros y gadwyn gyflenwi gyfan yw hyn.

• Dadansoddiad Cylch Bywyd>

​Er mwyn edrych ar y cyflenwad o senna mewn modd holistaidd, buom yn gweithio gyda Phrifysgol Bangor yn 2022 i gynnal Dadansoddiad Cylch Bywyd ar gyfer Senna hyd at y pwynt bod y cynnyrch yn gadael giât ffatri Phytovation - dadansoddiad cradle-to-gate fel y cyfeirir ato yn y diwydiant. Nod hyn oedd asesu'r holl allyriadau a gynhyrchir gan y gadwyn gyflenwi gyfan yr holl ffordd yn ôl i'r tyfwyr yn India a Sudan.

Dangosodd hyn mai cymharol ychydig o wahaniaeth oedd yn yr allyriadau nwyon tŷ gwydr rhwng y ddau ond roedd y cyfraniad mwyaf ym mhob achos trwy gludiant ffordd gyda'r cludo môr yn llawer llai arwyddocaol a phob cyfraniad arall yn llai mewn cymhariaeth.

Nid yw llawer o hyn o dan ein rheolaeth ond rydym yn ceisio defnyddio cludiant rheilffordd o'r porthladdoedd yn y DU i'r depo rheilffordd agosaf i'n safle o ganlyniad i'r canfyddiad hwn.

Yn gyffredinol, ôl troed carbon ein cynnyrch terfynol oedd 0.90Kg CO2e fesul Kg sydd, i’w roi mewn persbectif, yn llai na'r ôl troed carbon ar gyfer llaeth a gynhyrchir yn y DU sydd rhwng 1.0 a 1.1Kg o CO2 y litr. Yn ôl yr ymchwilydd a gynhaliodd yr astudiaeth "nid yw’n ôl troed mawr" ond yn sicr nid ydym yn cymryd hyn fel rheswm dros hunanfodlonrwydd neu ddiffyg gweithredu.

Mae'r adroddiad yn helpu i lywio ein cynlluniau ar gyfer y dyfodol.

• Gosod pwynt gwefru

Rydym wedi gosod pwynt gwefru ar ein safle i annog y defnydd o gerbydau trydan ac mae tua 20% o deithio staff bellach gyda cherbydau trydan.

• Trefniadau ar ein safle

Mae gennym broses fewnol barhaus i wella effeithlonrwydd trwy newid goleuadau, cyflwyno gwell rheolaethau a disodli offer aneffeithlon ac anfonir yr holl wastraff o blanhigion o'n proses gynhyrchu ar gyfer treulio anaerobig ac felly mae'n cyfrannu at gynhyrchu ynni carbon isel.